Փաշինյան․ ժողովուրդն ինչ որոշի՝ ես կանեմ

ԵՐԵՎԱՆ, 7 հունիսի․/ԱՌԿԱ/․ Ժողովուրդն ինչ որոշի՝ ես կանեմ, ասաց վարչապետ Նիկոլ Փաշինյանը քվեարկելուց հետո լրագրողների հետ զրույցում։

«Ժողովուրդն ընտրություն կատարելիս պետք է առաջնորդվի պետությանը, անկախությանը, ապագային, խաղաղությանը ու երեխաների հեղափոխությանը տեր կանգնելու անհրաժեշտությամբ»,- ասաց նա։

Ընտրությունների մասին

Հայաստանում մեկնարկել են 9-րդ գումարման Ազգային ժողովի հերթական ընտրությունները։ Տեղական ժամանակով ժամը 08:00-ից հանրապետության ողջ տարածքում բացվել է 2005 ընտրատեղամաս։

ԿԸՀ տվյալներով՝ ընտրողների ռեգիստրում գրանցված է 2 միլիոն 505 հազար 102 մարդ։

Ընտրություններին մասնակցում է 18 քաղաքական ուժ՝ 16 կուսակցություն և 2 դաշինք։

Կուսակցությունների թվում են․

• Ռեֆորմիստների կուսակցություն

• «Բոլորին դեմ եմ» կուսակցություն

• Հայաստանի շնորհապետական կուսակցություն

• «Նոր ուժ» կուսակցություն

• «Միասնության թևեր» կուսակցություն

• «Բարգավաճ Հայաստան» կուսակցություն

• «Ազգային-ժողովրդավարական բևեռ» կուսակցություն

• «Քոչարի ազգային վերածնունդ և ազգի զարթոնք» կուսակցություն

• «Հայ ազգային կոնգրես» կուսակցություն

• «Հանրապետություն» կուսակցություն

• Քրիստոնեա-ժողովրդավարական կուսակցություն

• Ժողովրդավարական համախմբում» կուսակցություն

• «Դեմոկրատիա օրենք, կարգապահություն» կուսակցություն (ԴՕԿ)

• «Քաղաքացիական պայմանագիր» կուսակցություն

• «Հանուն Հանրապետության» կուսակցություն

• «Լուսավոր Հայաստան» կուսակցություն

Մասնակցում է նաև երկու դաշինք՝ «Ուժեղ Հայաստան»-ը և «Հայաստան»-ը։