Երևանը վճռականորեն դատապարտում է Փարիզի ահաբեկչական գործողությունները
14.11.2015,
12:54
ՀՀ ԱԳ նախարար Էդվարդ Նալբանդյանը վճռականորեն դատապարտում է Փարիզի ահաբեկչական գործողությունները։
ԵՐԵՎԱՆ, 14 նոյեմբերի. /ԱՌԿԱ/. ՀՀ ԱԳ նախարար Էդվարդ Նալբանդյանը վճռականորեն դատապարտում է Փարիզի ահաբեկչական գործողությունները և զորակցություն հայտնում Ֆրանսիայի ժողովրդին։
Ուրբաթ գիշերը Փարիզում գրանցվել են մի շարք ահաբեկչական գրոհներ։ Տարբեր տվյալներով` զոհվել է 120–153 մարդ, ավելի քան 200–ը վնասվածքներ են ստացել։ Ֆրանսիայի նախագահ Ֆրանսուա Օլանդը երկրում արտակարգ դրության ռեժիմ է հայտարարել։
«Հայաստանը Ֆրանսիայի կողքին է: Խստորեն դատապարտում ենք Փարիզում իրականացված մարդատյաց ահաբեկչական գործողությունները։ Ցավակցում և մեր զորակցությունն ենք հայտնում Ֆրանսիայի բարեկամ ժողովրդին: Ահաբեկչության դեմ պայքարը ողջ քաղաքակիրթ աշխարհի պայքարն է», – նշվում է Նալբանդյանի հայտարարության մեջ։–0–
