Հայաստանի ժողովուրդը պահանջում է քաղաքական և հասարակական ուժերի միավորում երկրի խնդիրները լուծելու համար. Հովհաննիսյան

ԵՐԵՎԱՆ, 18 փետրվարի. /ԱՌԿԱ/. Հայաստանի ժողովուրդը պահանջում է քաղաքական և հասարակական ուժերի միավորում երկրի խնդիրները լուծելու համար, հայտարարեց ընդդիմադիր «Ժառանգություն» կուսակցության առաջնորդ Րաֆֆի Հովհաննիսյանը։

«Ժողովուրդն ինքն է թելադրում միավորում արտաքին մարտահրավերների հաղթահարման համար, և մենք բոլորս պետք է կատարենք ժողովրդի պահանջը»,– երեքշաբթի ասաց նա լրագրողներին։

Խոսելով «Ժառանգություն» կուսակցության հետագա գործողությունների մասին` Հովհաննիսյանը հայտնեց, որ կուսակցությունը կպայքարի համապարփակ ժողովրդական ընդդիմության, այնուհետև` իշխանության ձևավորման համար։

Կուսակցության առաջնորդը հայտնեց, որ «Ժառանգությունն» առաջվա պես կանգնած կլինի ժողովրդի կողքին իր պայքարում, և ընդգծեց, որ կուսակցությանն ու նրա կողմնակիցներին հնարավոր չէ շեղել այդ ուղուց։

Րաֆֆի Հովհաննիսյանը 2013 թվականի փետրվարի ընտրություններում հավաքել է 36.74 տոկոս քվե և պարտություն կրելով հայկական պետության ղեկավարի պաշտոնում վերընտրված Սերժ Սարգսյանից (58,64%)` չի ճանաչել քվեարկության արդյունքները։ -0-