ՀՀ վարչապետը կարող է գլխավորել սահմանադրական բարեփոխումների «այո» շտաբը
ԵՐԵՎԱՆ, 16 հոկտեմբերի. /ԱՌԿԱ/. ՀՀ վարչապետ Հովիկ Աբրահամյանը չի բացառել այն բանի հավանականությունը, որ նա կգլխավորի սահմանադրական բարեփոխումների նախընտրական շտաբը։
Լրագրողների այն հարցին, թե ով է գլխավորելու սահմանադրական բարեփոխումների «այո» շտաբը, Աբրահամյանը նշեց, որ այդ հարցը կքննարկվի առաջիկայում` Հանրապետական կուսակցության նիստի ժամանակ։
«Առաջիկայում այդ հարցը կքննարկվի կուսակցության նիստի ժամանակ, և մենք որոշում կընդունենք։ Այն, որ ես կմասնակցեն այդ գործընթացին, չի քննարկվում», – ասաց Աբրահամյանը։
Վարչապետը նաև նշեց, որ դա չպետք է խանգարի կառավարության աշխատանքին։
«Այդ հարցը կլուծվի հաջորդ շաբաթ», – ավելացրեց Աբրահամյանը։
ՀՀ ԱԺ պատգամավորներն այս տարվա հոկտեմբերի 5–ին քվեարկեցին սահմանադրական բարեփոխումների նախագծի օգտին, որը նախատեսում է անցում իշխանավարման խորհրդարանական կարգին։ ՀՀ նախագահ Սերժ Սարգսյանի ստորագրած հրամանագրի համաձայն` սահմանադրական բարեփոխումների հանրաքվեն նշանակված է դեկտեմբերի 6–ին։ –0–
