Վլադիմիր Պուտինը կայցելի Ադրբեջան
ԵՐԵՎԱՆ, 7 սեպտեմբերի. /ԱՌԿԱ/. Ռուսաստանի նախագահ Վլադիմիր Պուտինը սեպտեմբերին կայցելի Ադրբեջան, գրում է «Известия» պարբերականը՝ հղում անելով ՌԴ նախագահի միջազգային հարցերով օգնական Յուրի Ուշակովին։
Սեպտեմբերի 27–28–ին Պուտինը կայցելի նաև Տաջիկստան և Ուզբեկստան։ Ուշակովը հայտնել է, որ մինչև այս տարվա վերջ Ռուսաստանը պատրաստվում է հյուրընկալել ՌԴ-Իրան-Ադրբեջան եռակողմ գագաթնաժողովը։
«Մեր հերթն է անցկացնելու հանդիպումը, կքննարկենք գործընկերների հետ, թե երբ է նրանց հարմար», - ասել է Ուշակովը։
Հիշեցնենք, որ սեպտեմբերի 1-ին Սոչիում կայացել էր Ռուսաստանի Դաշնության նախագահ Վլադիմիր Պուտինի հանդիպումը Ադրբեջանի նախագահ Իլհամ Ալիևի հետ, ով Ռուսաստան էր ժամանել պաշտոնական այցով։ Քննարկվել էր նաև Ղարաբաղյան հակամարտության կարգավորման թեման։–0–
