Որոշվել է Սարգսյան-Ալիև հանդիպումները դարձնել նոն– ստոպ
ԵՐԵՎԱՆ, 1 հուլիսի. /ԱՌԿԱ/. ԵԱՀԿ ՄԽ համանախագահությունը և ԵԱՀԿ-ում նախագահող Գերմանիան դեռ Վիեննայի հանդիպման ժամանակ որոշել են Ալիև-Սարգսյան հանդիպումները դարձնել նոն-ստոպ. Վիեննա, Սանկտ-Պետերբուրգ, Փարիզ, ամերիկյան որևէ քաղաք, որպեսզի հրադադարը պահպանվի և Ալիևը պահվի վերահսկողության տակ, գրում է «Հրապարակը»։
Այդ ամենն արվում է, որպեսզի նվազագույնը՝ խնդրում որոշակի դրական տեղաշարժ արձանագրվի, առավելագույնը՝ հնարավոր լինի բանակցային գործընթացը զրոյական կետից շարժել, գրում է թերթը։
«Օգոստոսին կլինի հանդիպում Փարիզում, սեպտեմբեր-հոկտեմբերին՝ արդեն ԱՄՆ-ում», – նշում են հոդվածի հեղինակները։
«Ամերիկյան հանդիպման ելքը կախված է փարիզյանից, ինչի տորպեդահարումն արդեն իսկ սկսել է Ալիևը՝ խոսելով այն մասին, որ հետաքննող սարքերի տեղակայմանն Ադրբեջանը համաձայն չէ, ինչը համանախագահությանն անհանգստացնող հանգամանք է, սպասենք Շտայնմայերի տարածաշրջանային այցի արդյունքներին` հասկանալու, թե ինչ ընթացք կընտրվի»,- թերթին ասել է ԱԳՆ–ի աղբյուրը։ –0–
