Ադրբեջանական զինուժը տարբեր զինատեսակներ է կիրառել շփման գծում
18.04.2017,
10:29
Ապրիլի 17-ին և լույս 18-ի գիշերը արցախա-ադրբեջանական հակամարտ զորքերի շփման գծում հակառակորդը խախտել է հրադադարի պահպանման ռեժիմը:
ԵՐԵՎԱՆ, 18 ապրիլի. /ԱՌԿԱ/. Ապրիլի 17-ին և լույս 18-ի գիշերը արցախա-ադրբեջանական հակամարտ զորքերի շփման գծում հակառակորդը խախտել է հրադադարի պահպանման ռեժիմը տարբեր տրամաչափի հրաձգային զինատեսակներից, հայտնում է Արցախի պաշտպանության նախարարության մամուլի ծառայությունը։
Ադրբեջանական զինուժը հրադադարի պահպանման ռեժիմը խախտել է 55 անգամ՝ հայ դիրքապահների ուղղությամբ արձակելով ավելի քան 640 կրակոց:
Շփման գծի հարավային, արևելյան և հյուսիսարևելայն ուղղությամբ հակառակորդն ակտիվորեն կիրառել է նաև դիպուկահար հրացաններ (93 կրակոց):
«Հակառակորդի նախահարձակ ակտիվությունը ճնշելու համար ՊԲ առաջապահ զորամասերը դիմել են պատասխան գործողությունների և շարունակել իրականացնել մարտական դիրքերի հուսալի պահպանություն»,– ասվում է հաղորդման մեջ։ -0-
