ԼՂՀ ԱԳՆ ղեկավարը Եվրամիության հատուկ ներկայացուցչին հրավիրել է Ղարաբաղ

ARKATELECOM

ARMBANKS

USD

402.72

EUR

422.9

RUB

3.85

GEL

141.56

Քաղաքական

10.02.2015, 13:31

Աշխատանքային այցով Երևանում գտնվող Լեռնային Ղարաբաղի Հանրապետության արտաքին գործերի նախարար Կարեն Միրզոյանը երեքշաբթի հանդիպել է Հարավային Կովկասի և Վրաստանում ճգնաժամի հարցերով Եվրամիության հատուկ ներկայացուցիչ Հերբերտ Զալբերի հետ, հաղորդում է ԼՂՀ ԱԳՆ մամուլի ծառայությունը։

ՍՏԵՓԱՆԱԿԵՐՏ, 10 փետրվարի. /ԱՌԿԱ/. Աշխատանքային այցով Երևանում գտնվող Լեռնային Ղարաբաղի Հանրապետության արտաքին գործերի նախարար Կարեն Միրզոյանը երեքշաբթի հանդիպել է Հարավային Կովկասի և Վրաստանում ճգնաժամի հարցերով Եվրամիության հատուկ ներկայացուցիչ Հերբերտ Զալբերի հետ, հաղորդում է ԼՂՀ ԱԳՆ մամուլի ծառայությունը։

«Հանդիպման ընթացքում կողմերը մտքեր են փոխանակել Եվրամիության և Արցախի միջև համագործակցության հնարավորությունների ու հեռանկարների շուրջ։ Կարեն Միրզոյանը կարևորել է Արցախ ԵՄ ներկայացուցիչների անարգել մուտքի ապահովումը և հրավիրել Հերբերտ Զալբերին իր մանդատի շրջանակներում այցելել ԼՂՀ՝ տեղում ծանոթանալու առկա իրողություններին»,- ասված է հաղորդագրությունում։

Անդրադարձ է կատարվել նաև ադրբեջանա-ղարաբաղյան հակամարտության կարգավորման գործընթացի շուրջ ստեղծված իրավիճակին: Այս համատեքստում կողմերը երկուստեք կարևորել են ԵԱՀԿ Մինսկի խմբի համանախագահների ջանքերը և դրանց օժանդակելու անհրաժեշտությունը։ --0--