ՀՀ նախագահը այցելել է ԱՄՆ դեսպանատուն և շնորհավորել է ամերիկացի ժողովրդին ԱՄՆ անկախության օրվա առթիվ

ARKATELECOM

ARMBANKS

USD

402.72

EUR

422.9

RUB

3.85

GEL

141.56

Քաղաքական

04.07.2014, 15:02

ԱՄՆ նախագահ Սերժ Սարգսյանն ուրբաթ Ամերիկայի Միացյալ Նահանգների Անկախության օրվա առթիվ հյուրընկալվել է Հայաստանում ԱՄՆ դեսպանի նստավայրում: Սերժ Սարգսյանը տոնի կապակցությամբ շնորհավորել է դեսպան Ջոն Հեֆերնին և ի դեմս նրա՝ դեսպանատան աշխատակիցներին ու Միացյալ Նահանգների ամբողջ ժողովրդին, հաղորդում է ՀՀ նախագահի մամուլի ծառայությունը:

ԵՐԵՎԱՆ, 4 հուլիսի. /ԱՌԿԱ/. ԱՄՆ նախագահ Սերժ Սարգսյանն ուրբաթ Ամերիկայի Միացյալ Նահանգների Անկախության օրվա առթիվ հյուրընկալվել է Հայաստանում ԱՄՆ դեսպանի նստավայրում: Սերժ Սարգսյանը տոնի կապակցությամբ շնորհավորել է դեսպան Ջոն Հեֆերնին և ի դեմս նրա՝ դեսպանատան աշխատակիցներին ու Միացյալ Նահանգների ամբողջ ժողովրդին, հաղորդում է ՀՀ նախագահի մամուլի ծառայությունը:

Հանրապետության նախագահը նաև շնորհավորական ուղերձ է հղել ԱՄՆ նախագահ Բարաք Օբամային, որում, մասնավորապես, ասված է. «Մեծարգո պարոն Նախագահ, ջերմորեն շնորհավորում եմ Ձեզ և Ամերիկայի Միացյալ Նահանգների բարեկամ ժողովրդին Անկախության օրվա առթիվ՝ մաղթելով խաղաղություն, բարօրություն և հաջողություններ ձեր բոլոր նախաձեռնություններում»:

Սարգսյանը նշել է, որ Հայաստանը արժևորում է Միացյալ Նահանգների հետ մեր բարեկամությունը և ուրախ է, որ համատեղ ջանքերով երկկողմ գործընկերությունը բարձրացվել է որակապես նոր մակարդակի:

Նախագահը նաև կարևորել է ԱՄՆ-ի` որպես ԵԱՀԿ Մինսկի խմբի համանախագահ երկրի շարունակական ներգրավվածության կարևորությունը Լեռնային Ղարաբաղի հիմնախնդրի կարգավորման գործընթացում: «Ակնկալում ենք միջնորդական ակտիվ գործունեության շարունակում՝ հանուն Հարավային Կովկասում կայուն և հարատև խաղաղության», - նշվում է նախագահի ուղերձում:-0-