Փաշինյանն ու Թրամփը ստորագրել են 3 ոլորտներին վերաբերող փոխըմբռնման հուշագրեր
09.08.2025,
01:23
Սպիտակ տանը ՀՀ վարչապետ Նիկոլ Փաշինյանի և ԱՄՆ նախագահ Դոնալդ Թրամփի հանդիպման արդյունքում ստորագրել են փոխըմբռնման հուշագրեր
ԵՐԵՎԱՆ, 9 օգոստոսի․/ԱՌԿԱ/․ Սպիտակ տանը ՀՀ վարչապետ Նիկոլ Փաշինյանի և ԱՄՆ նախագահ Դոնալդ Թրամփի հանդիպման արդյունքում ստորագրել են փոխըմբռնման հուշագրեր։
Այս մասին հայտնել է Փաշինյանի մամուլի քարտուղար Նազելի Բաղդասարյանը։
«Նպատակ ունենալով խորացնելու ռազմավարական համագործակցությունը երեք առանցքային ոլորտներում՝ Հայաստանի և Միացյալ Նահանգների Կառավարությունները ստորագրել են հետևյալ փոխըմբռնման հուշագրերը․
● «Խաղաղության խաչմերուկ» նախագծի կարողությունների զարգացման ոլորտում գործընկերության մասին
● Արհեստական բանականության և կիսահաղորդիչների ոլորտում նորարարական գործընկերության մասին
● Էներգետիկ անվտանգության ոլորտում գործընկերության մասին», – գրել է նա Facebook-յան իր էջում։
