ՊԲ զինծառայող է զոհվել հակառակորդի արձակած գնդակից
28.09.2017,
19:44
Այսօր ՊԲ զինծառայող է զոհվել հակառակորդի գնդակից, հայտնում է Արցախի պաշտպանության նախարարության մամուլի ծառայությունը։
ԵՐԵՎԱՆ, 28 սեպտեմբերի. /ԱՌԿԱ/. Այսօր ՊԲ զինծառայող է զոհվել հակառակորդի գնդակից, հայտնում է Արցախի պաշտպանության նախարարության մամուլի ծառայությունը։
Ինչպես նշվում է հաղորդման մեջ, ժամը 15:00-ի սահմաններում, ՊԲ հարավարևելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից, մահացու հրազենային վիրավորում է ստացել ՊԲ զինծառայող, 19–ամյա Սեյրան Մանվելի Սարգսյանը:
Դեպքի մանրամասները պարզելու համար կատարվում է քննություն:
«Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին և ծառայակիցներին»,– ասվում է հաղորդման մեջ։ -0-
