Ռուսաստանի օդատիեզերական ուժերի Մի-8 և Մի-24 ուղղաթիռները վերահսկելու են Լեռնային Ղարաբաղի հակամարտության գոտում ռազմական գործողությունների դադարեցման տարածքները
12.11.2020,
11:35
Ռուսաստանի զինված ուժերի ուղղաթիռները ներգրավված կլինեն Լեռնային Ղարաբաղում խաղաղապահ գործողությանը
ԵՐԵՎԱՆ, 12 նոյեմբերի․ /ԱՌԿԱ/․ Ռուսաստանի օդատիեզերական ուժերի Մի-8 և Մի-24 ուղղաթիռները վերահսկելու են Լեռնային Ղարաբաղի հակամարտության գոտում ռազմական գործողությունների դադարեցման տարածքները, հաղորդում է ՏԱՍՍ- ը՝ հղում անելով ՌԴ ՊՆ-ին:
«Ուղղաթիռները ներգրավված կլինեն խաղաղապահ գործողությանը՝ Լեռնային Ղարաբաղի հակամարտության գոտում հրադադարի ռեժիմի և ռազմական գործողությունների վերահսկման գոտիների օդային դիտարկում իրականացնելու համար», - նշել է ռազմական գերատեսչությունը:
Ինչպես նշել է ՌԴ Պաշտպանության նախարարությունը, ուղղաթիռները նույնպես ներգրավված կլինեն խաղաղապահ զորախմբի նյութատեխնիկական սարքավորումների և անձնակազմի՝ դժվարամատչելի տարածքներ առաքման գործընթացում:
Ուղղաթիռները ԱՆ-124 «Ռուսլան» ռազմական տրանսպորտային ինքնաթիռով տեղափոխվել են Երևանի օդանավակայան:-0-
