Թուրքիան պատասխան քայլեր է քննարկում ընդդեմ Գերմանիայի ընդունած հայկական բանաձևի
ԵՐԵՎԱՆ, 15 հունիսի. /ԱՌԿԱ/. Թուրքիայի իշխանությունները պատասխան քայլեր են մշակում Բունդեսթագի կողմից Օսմանյան կայսրությունում հայերի զանգվածային սպանությունները ցեղասպանություն որակող բանաձևի ընդունման համար, չորեքշաբթի հայտնել է թուրք բարձրաստիճան պաշտոնյան Ստամբուլում աշխատող օտարերկրացի լրագրողների հետ հանդիպմանը, գրում է «Նովոստի–Արմենիա» գործակալությունը։
Ինչպես հայտնում է Ինտերֆաքսը, ավելի վաղ Թուրքիայի իշխող «Արդարության և զարգացման» կուսակցության ներկայացուցիչը նշել էր, որ Թուրքիայի պատասխան քայլերը կսահմանվեն` հաշվի առնելով տնտեսական իրողությունները։
Գերմանիայի Բունդեսթագը հունիսի 2–ին «1915 և 1916 թվականներին հայերի և քրիստոնեական փոքրամասնությունների ցեղասպանության հիշատակին» բանաձևը։
Գերմանիան թուրքական ապրանքների գլխավոր արտահանող շուկան է, քանի որ նախորդ տարի մատակարարումների ծավալը կազմել էր 13.4 մլրդ դոլար։ Միաժամանակ, Գերմանիայում երեք միլիոն թուրք է ապրում։
Ավելի վաղ հունիսին Բունդեսթագի պատգամավորների ճնշող մեծամասնությունը հավանություն է տվել Օսմանյան կայսրությունում հայերի զանգվածային սպանությունները ցեղասպանություն որակող բանաձևի ընդունմանը։
