Հայաստանի ԶՈՒ–ում 2014թ.–ին ոչ կանոնադրական հարաբերությունների հետևանքով ընդամենը մեկ զինվոր է մահացել. նախարար

ԵՐԵՎԱՆ, 6 օգոստոսի. /ԱՌԿԱ/. 2014 թվականին Հայաստանի Զինված ուժերում ոչ կանոնադրական հարաբերությունների հետևանքով ընդամենը մեկ զինվորի մահվան դեպք է գրանցվել, հայտարարեց Հայաստանի պաշտպանության նախարար Սեյրան Օհանյանը։

«Փաստորեն, Զինված ուժերում կատարվող բարեփոխումների միջոցով և հրամանատարական կազմի նվիրված և համառ աշխատանքի շնորհիվ մենք հասել ենք ոչ կանոնադրական հարաբերությունների հետևանքով կորուստների գրեթե ամբողջական բացառմանը»,– չորեքշաբթի հրավիրված ասուլիսի ընթացքում ասաց Օհանյանը։

Նախարարը նշեց, որ այս տարին Հայաստանի ԶՈՒ–ում հայտարարվել է փողոցային արատավոր բարքերի դեմ պայքարի տարի, և այդ պայքարում Պաշտպանության նախարարությունը հասարակության հետ համատեղ մեծ հաջողությունների է հասել։ -0-