Դատարանի որոշմամբ, հանվել է ռազմական դրության ժամանակ հավաքներ կազմակերպելու արգելքը
27.11.2020,
20:17
Հայաստանում հանվել է ռազմական դրության ժամանակ հավաքներ կազմակերպելու արգելքը
ԵՐԵՎԱՆ, 27 նոյեմբերի./ԱՌԿԱ/. Դատարանի որոշմամբ, հանվել է ռազմական դրության ժամանակ հավաքներ կազմակերպելու արգելքը։
Այս մասին հայտնել է ՀՅԴ ԳՄ անդամ Արծվիկ Մինասյանը Facebook–յան իր էջում։
«Տեղեկացնում եմ, որ մենք դիմել էինք դատարան այս պայմաններում հավաքներ իրականացնելու արգելքը վերացնելու միջնորդությամբ։ Քիչ առաջ դատարանը բավարարել է մեր միջնորդությունը։ Դատարանի որոշմամբ կասեցվել է կառավարության ապօրինի որոշումը։ Այսօրվանից ոչ ոք իրավունք չունի ռազմական դրությամբ պայմանավորված արգելել հավաքներ կազմակերպելը, անցկացնելն ու դրանց մասնակցելը», – նշել է Մինասյանը։
ՀՀ Ազգային ժողովը նախօրեին դեմ է քվեարկել երկրում ռազմական դրությունը վերացնելու մասին՝ «Լուսավոր Հայաստան» խմբակցության առաջարկված նախագծի ընդունմանը:–0–
