Երթևեկի փոփոխություն է նախատեսված Երևանի Գյուրջյան - Սաֆարյան փողոցների խաչմերուկում (ՍԽԵՄԱ)
11.04.2024,
14:22
Նշված ճանապարհահատվածը կկահավորվի համապատասխան ճանապարհային նշաններով և կիրականացվեն գծանշման աշխատանքներ. ՍԽԵՄԱ
ԵՐԵՎԱՆ, 11 ապրիլի․/ԱՌԿԱ/․ Մայրաքաղաքում տրանսպորտային հոսքերի անցանելիությունն ավելացնելու նպատակով ապրիլի 12-ից փորձնական տարբերակով երթևեկության կազմակերպման փոփոխություն կկատարվի Գյուրջյան - Սաֆարյան փողոցների խաչմերուկում՝ կից ներկայացվող երթևեկության կազմակերպման սխեմայի համաձայն, հաղորդում է Երևանի քաղաքապետարանը:
Մասնավորապես՝ նշված խաչմերուկում երթևեկությունը կկազմակերպվի շրջանաձև:
Նշված ճանապարհահատվածը կկահավորվի համապատասխան ճանապարհային նշաններով և կիրականացվեն գծանշման աշխատանքներ:
