Կրթաթոշակային ծրագրեր՝ Լեհաստանի բուհերում ուսանելու համար

ԵՐԵՎԱՆ, 31 հունվարի./ԱՌԿԱ/. Լեհաստանի բուհերը 2 կրթաթոշակային ծրագրերով ուսանելու հնարավորություն են ընձեռում, հաղորդում է ՀՀ ԿԳՄՍ նախարարության հասարակայնության հետ կապերի եվ տեղեկատվության վարչությունը; 

1. «Տիտուս Ֆիլիպքվիչի» մրցանակ: Այս կրթաթոշակային ծրագրով թեկնածուի համար նախատեսվում է 10-ամսյա կեցությամբ Լեհաստանի բարձրագույն ուսումնական հաստատությունների հումանիտար կամ հասարակական գիտությունների բնագավառում 5 ուսումնասիրություն (2-ական ամիս) հետևյալ ոլորտներում՝

·  հասարակական գիտություններ,

· ճշգրիտ գիտություններ,

· տնտեսական գիտություններ,

· տեխնիկական գիտություններ,

·  հումանիտար գիտություններ:

Թեկնածուների ներդրումների և ձեռքբերումների նկարագրությամբ հայտերն անհրաժեշտ է ուղարկել Արևելյան Եվրոպայի հետազոտությունների կենտրոն (էլ. փոստ՝ stypendia.studium@uw.edu.pl) մինչև 2022 թվականի մարտի 31-ը: 

2. Երիտասարդ գիտնականների կրթաթոշակային ծրագիր

Այն նախատեսված է 2022 թվականի սեպտեմբերից մինչև 2023 թվականի հունիսը Լեհաստանի բարձրագույն ուսումնական հաստատություններում հետազոտական աշխատանք կատարելու համար: 

Փաստաթղթերի ամբողջական փաթեթն անհրաժեշտ է ուղարկել stypendia.studium@uw.edu.pl էլ. փոստին մինչև 2022 թվականի մարտի 1-ը: 

Կրթաթոշակների տրամադրման պայմաններին ավելի մանրամասն կարելի է ծանոթանալ www.stadium.uw.edu.pl կայքից:-0-