Ռուսական «Պոբեդա» լոուքոսթերն իրականացրել է Գյումրի–Մոսկվա առաջին չվերթը

ԵՐԵՎԱՆ, 15 դեկտեմբերի. /ԱՌԿԱ/. Ռուսական «Պոբեդա» լոուքոսթերն իրականացրել է Գյումրի–Մոսկվա առաջին չվերթը։ 

Ուղևորները նշված չվերթի տոմսերը ձեռք են բերել 990 ռուբլով ($16)։ 

Ինքնաթիռը, որում եղել է 173 ուղևոր, մեկնել է «Շիրակ» օդանավակայանից Մոսկվայի «Վնուկովո» օդանավակայան դեկտեմբերի 15–ին տեղական ժամանակով ժամը 14։00–ին։

Հաջորդ չվերթը կիրականացվի երեք օրից։ Ինչպես հայտնում են ավիաընկերության ներկայացուցիչները, գրեթե բոլոր տոմսերը վաճառված են։ -0-