«Նոր երթուղին լինելու է Վարդենիս-Մարտակերտ նոր մայրուղով, որը կրճատելու է ոչ միայն ժամանակն ու տարածությունը, այլև թեթևացնելու է Ստեփանակերտ-Գորիս մայրուղին և հնարավորություն է տալու վարորդներին երթևեկել ավելի հանգիստ», – նշել է Պողոսյանն ու հավելել, որ սակագներում փոփոխություններ չեն նախատեսվում:

«Առայժմ գործելու է միայն մեկ ուղևորափոխադրող տրանսպորտային միջոց», – ասել է Պողոսյանը։
Այս տարվա սեպտեմբերի 1–ին տեղի է ունեցել Վարդենիս-Մարտակերտ ավտոճանապարհի բացման արարողությունը։ Ճանապարհը կառուցվել է համայն հայության նվիրատվություններով՝ «Հայաստան» համահայկական հիմնադրամի կողմից 2013 և 2014 թվականների հեռուստամարաթոնների ընթացքում հավաքագրված միջոցների և Հայաստանի ու Արցախի կառավարությունների աջակցությամբ։–0–