Կգործարկվեն Երևան–Անապա ուղիղ չվերթեր

ԵՐԵՎԱՆ, 19 սեպտեմբերի. /ԱՌԿԱ/. «Ուրալյան ավիաուղիներ» ավիաընկերությունը մի քանի ուղիղ չվերթեր է գործարկում Անապայից դեպի ԱՊՀ երկրներ։

Ինչպես հայտնում է «Կոմերսանտը», չվերթերը կիրականացվեն դեպի Հայաստան ու Ղրղըզստան։ Ինչպես հայտնում են ավիաընկերությունից, 2018 թ.–ի հոկտեմբերի 29–ից կանոնավոր ուղիղ չվերթեր կգործարկվեն Անապայից դեպի Երևան և Օշ։ Թռիչքները կիրականացվեն Airbus օդանավերով։

Չվերթերը կլինեն ուղիղ։ Անապա–Երևան У6-2497 չվերթը կիրականացվի երկուշաբթի ու հինգշաբթի ժամը 14։40–ին։ Ժամանումը Երևան նախատեսվում է ժամը 17։10–ին։ Երևան–Անապա У6-2498 չվերթը կիրականացվի երկուշաբթի և հինգշաբթի օրերին, մեկնումը նախատեսված է 18։00–ին, ժամանումը` 18։35–ին։–0–