Հայաստանում անցկացված հարցումը բացահայտել է ամենաբարձր և ամենացածր վարկանիշ ունեցող ինստիտուտները

ԵՐԵՎԱՆ, 6 մարտի․/ԱՌԿԱ/․ Հայաստանում հարցվածների 39%-ը հայտարարել է, որ «լիովին գոհ է» Զինված ուժերից։ Այս մասին են վկայում Միջազգային հանրապետական ինստիտուտի (IRI) հարցման տվյալները։

Հարցվածների 34%-ը նշել է, որ «ավելի շուտ գոհ է» բանակի աշխատանքից, 12%-ը՝ «ավելի շուտ դժգոհ է», 12%-ը՝ «լիովին դժգոհ է», իսկ 3%-ը դժվարացել է կամ չի ցանկացել պատասխանել։

Այս վարկանիշում երկրորդ տեղում Հայ Առաքելական եկեղեցին է. նրան լիովին աջակցում է հարցվածների 39%-ը, 23%-ը «ավելի շուտ գոհ է», 13%-ը՝ «ավելի շուտ դժգոհ», 20%-ը՝ «լիովին դժգոհ», իսկ 6%-ը դժվարացել է կամ չի ցանկացել պատասխանել։

Գոհունակության վարկանիշում երրորդ տեղում մարզպետարաններն են։ Նրանց աշխատանքից գոհ է հարցվածների 25%-ը, 37%-ը՝ «ավելի շուտ գոհ», 16%-ը՝ «ավելի շուտ դժգոհ», 15%-ը՝ «լիովին դժգոհ», իսկ 7%-ը դժվարացել է կամ չի ցանկացել պատասխանել։

Վարկանիշի աութսայդերը Հայաստանի խորհրդարանն է։ Հարցվածների միայն 9%-ն է լիովին գոհ դրա գործունեությունից, այն դեպքում, երբ 23%-ը «ավելի շուտ գոհ է», 22%-ը՝ «ավելի շուտ դժգոհ», 44%-ը՝ «լիովին դժգոհ», իսկ 3%-ը դժվարացել է կամ չի ցանկացել պատասխանել։

Հետազոտությունն իրականացվել է BREVIS ընկերության կողմից՝ Միջազգային հանրապետական ինստիտուտի (IRI) պատվերով։ Տվյալների հավաքագրումը կատարվել է հեռախոսային հարցման միջոցով 2026 թվականի փետրվարի 3-13-ը՝ ՀՀ 1506 քաղաքացիների և Լեռնային Ղարաբաղից բռնի տեղահանված 18 տարին լրացած բնակիչների շրջանում։