ՖԻՖԱ–ի դասակարգման աղյուսակում Հայաստանը կրկին 77-րդն է

ԵՐԵՎԱՆ, 7 մայիսի. /ԱՌԿԱ/. ՖԻՖԱ–ի հրապարակած աղյուսակում Հայաստանի ֆուտբոլի ազգային հավաքականը 449 միավորով կրկին 77-րդ տեղում է։

Հայաստանի մրցակիցները աղյուսակում դասավորվել են հետևյալ կերպ` Պորտուգալիա (7-րդ տեղ), Դանիա (29), Սերբիա (44), Ալբանիա (57)։

Դասակարգման աղյուսակի առաջին տասը հորիզոնականներն անփոփոխ են մնացել։ Առաջատարը կրկին Գերմանիան է։

1.Գերմանիա,

2. Արգենտինա,

3. Բելգիա,

4. Կոլումբիա,

5. Բրազիլիա,

6. Նիդեռլանդներ,

7. Պորտուգալիա,

8. Ուրուգվայ,

9. Շվեյցարիա,

10. Իսպանիա։

Հայաստանի հավաքականը մեկ միավորով վերջին տեղն է կիսում սերբերի հետ։ Սակայն հայ ֆուտբոլիստներն արդեն չորս հանդիպում են ունեցել, այսինքն` մեկ խաղով շատ, քան սերբերը։

Խմբում ինը միավորով առաջատար են պորտուգալացիները, յոթական միավոր ունեն Ալբանիան և Դանիան։
ՖԻՖԱ–ն դասակարգման աղյուսակ է հրապարակում 1993 թվականից։ Միավորները հաշվարկվում են ազգային հավաքականների` չորս տարվա ընթացքում ունեցած արդյունքների հիման վրա։
Հաջորդ աղյուսակը կհրապարակվի հունիսի 4-ին։-0-