50% զեղչ Յունիբանկում դեպոզիտար արկղ վարձակալելու համար

ԵՐԵՎԱՆ, 14 օգոստոսի. /ԱՌԿԱ/. Արձակուրդային ամենաթեժ սեզոնին Յունիբանկը հայտարարում է նոր ակցիա դեպոզիտար արկղերի վարձակալության համար:

Ինչպես հայտնում են բանկի մամուլի ծառայությունից, այսուհետ թանկարժեք իրերը կամ փաստաթղթերն ապահով պահելու նպատակով անհատական դեպոզիտար արկղեր կարելի է վարձակալել 50% զեղչով: 

«Հաճախորդների հարմարավետության համար բանկն առաջարկում է երեք չափի արկղ` փոքր /110x220x480 մմ/, միջին /200x220x480 մմ/ և մեծ /200x450x480 մմ/: Ակցիան գործում է մինչև 31.08.2018թ.-ը` բանկի «Աճառյան» /Երևան, Աճառյան 22, N 51/, Գյումրի» /Գյումրի, Ա.Մանուկյան 3 /, «Կենտրոն» /Երևան, Կիևյան 8, թիվ 63 / և «Գարեգին Նժդեհ» /Երևան, Արշակունյաց պող., 34/3 (Yerevan Mall)/ մասնաճյուղերում: Կախված արկղերի չափից և վարձակալության                 ժամկետից` 7 օրից մինչև 1 տարի, սահմանված են տարբեր սակագներ` սկսած 2 250 դրամից մինչև 22 500 ՀՀ դրամ», – նշվում է տարածած հաղորդագրությունում: 

Դեպոզիտար արկղերը գտնվում են շուրջօրյա հսկողության տակ` հատուկ այդ նպատակով մասնաճյուղերում կառուցված սրահներում:

«Յունիբանկը» հիմնադրվել է 2001 թվականի հոկտեմբերին։ 2002 թվականին ներդրել է «Յունիսթրիմ» համակարգը։ Բանկի հիմնական բաժնետերը «Ռիպատոնսո Հոլդինգզ Լիմիթեդն» է։ 2015 թվականից բանկը վերակազմավորվել է բաց բաժնետիրական ընկերության:–0–