Հայաստանի նախագահը Երևանում ծանոթացել է բնակելի համալիրի կառուցման գործընթացին

ԵՐԵՎԱՆ, 16 ապրիլի. /ԱՌԿԱ/. Հայաստանի նախագահ, Երևանի պետական համալսարանի շրջանավարտների ասոցիացիայի հոգաբարձուների խորհրդի ղեկավար Սերժ Սարգսյանը հինգշաբթի ծանոթացել է Երևանի Քանաքեռ–Զեյթուն վարչական շրջանում բազմաբնակարան համալիրի շինարարական աշխատանքների ընթացքին։

Շինարարությունն ընթանում է երիտասարդ մասնագետներին բնակարանով ապահովելու «ԵՊՀ շրջանավարտների ասոցիացիայի» հասարակական կազմակերպության սոցիալական ծրագրի շրջանակում։

Սարգսյանը Երևանի քաղաքապետ Տարոն Մարգարյանի և բարձրաստիճան այլ պաշտոնյաների ուղեկցությամբ դիտել է «Զեյթուն 1» համալիրի բնակարանները, որոնք կառուցվում են «Մատչելի բնակարան երիտասարդ գիտնականներին և ստեղծագործական միությունների անդամներին» ծրագրի շրջանակում, ինչպես նաև ծանոթացավ «Զեյթուն 2» համալիրի շինարարական աշխատանքների մեկնարկին, որը կառուցվելու է «Մատչելի բնակարան երիտասարդ մասնագետներին» ծրագրի շրջանակում։

«Զեյթուն 1» համալիրը, որը բաղկացած է 292 բնակարաններով 2 շենքից, սկսել է կառուցվել 2010 թվականի մայիսին և կավարտվի 2015 թվականի հունիսին։ Կառուցապատման մակերեսը կկազմի 38 400 քմ։ Բնակարանի մեկ քառակուսի մետրի արժեքը կազմում է 185 հազար դրամ, իսկ շինարարության ընդհանուր արժեքը կազմում է 5.3 մլրդ դրամ։

134 բնակարանից բաղկացած «Զեյթուն 2» համալիրի շինարարական աշխատանքները մեկնարկել են 2015 թվականի ապրիլին և կավարտվեն 2017 թվականի նոյեմբերին։ Կառուցապատման մակերեսը կկազմի 25 հազար քմ։ Մեկ քառակուսի մետրի արժեքը կազմում է 270 հազար դրամ, շինաշխատանքների ընդհանուր արժեքը գնահատվում է մոտ 4.2 մլրդ դրամ։

«Բարի ավանդույթ է դարձել, որ մենք ամեն տարի շահագործման ենք հանձնում մոտ 300 բնակարան, նախորդ տարվա հունվարին հանձնվեց 338 բնակարաններով «Ավան 3» համալիրը, երկու ամիս հետո կհանձնվի Քանաքեռ–Զեյթունի համալիրը»,– ասաց սպորտի և երիտասարդության նախարարի տեղակալ Արսեն Քարամյանը։

Ըստ նրա, 10 ամսից կհանձնվի Ավան համայնքում 7 մասնաշենքից և 490 բնակարաններից բաղկացած ամենամեծ համալիրը։

«2017 թվականին շինարարության տեմպերը պահպանելու դեպքում ամբողջ ծրագրի արդյունքներով կկառուցվի սոցիալական նշանակության մոտ 200 հազար բնակարան»,– ասաց Քարամյանը։

«ԵՊՀ շրջանավարտների ասոցիացիայի» բնակարանային–շինարարական ծրագրերի ընդհանուր արժեքը, որոնց շրջանակում գիտության, կրթության, ժուռնալիստիկայի, առողջապահության, սպորտի, մշակույթի, պետական և համայնքային կառույցներում և ՏՏ ոլորտում աշխատող երիտասարդ մասնագետներին բնակարան են հատկացնում շուկայականից ցածր գներով, կազմում են ավելի քան 38.3 մլրդ դրամ։ Կառուցվող բնակարանների ընդհանուր թիվը` 1795.3 բնակարանային համալիրներ արդեն հանձմվել են, ևս 4–ը պատրաստ կլինեն մինչև 2017 թվականի վերջ։ -0-