Հայաստանի արտաքին առևտրաշրջանառության ծավալը հունվարին նվազել է 30,4%–ով և 272,5 մլն դոլար կազմել

ԵՐԵՎԱՆ, 2 մարտի. /ԱՌԿԱ/. Հայաստանի արտաքին առևտրաշրջանառության ծավալը հունվարին, նախորդ տարվա նույն ժամանակահատվածի համեմատ, նվազել է 30,4%–ով և 272,5 մլն դոլար կազմել, նշված է ՀՀ ազգային վիճակագրական ծառայության կայքում։

Ինչպես նշում են ԱՎԾ–ից, ԵՏՄ երկրների միջև առևտրի ցուցանիշների ոչ ամբողջական հաշվարկի պատճառով Հայաստանի արտաքին առևտրաշրջանառության հունվարյան ցուցանիշները լիարժեք չեն և շտկման կարիք ունեն։

Պաշտոնական տվյալների համաձայն` 2015 թվականի հունվարին արտահանման ծավալը նվազել է 21,9%–ով և կազմել 75,6 մլն դոլար, ներկրման ծավալը` նվազել է 33,2%–ով և կազմել 196,9 մլն դոլար։ Արդյունքում, արտաքին առևտրային հավասարակշռության բացասական սալդոն կազմել է 121,3 մլն դոլար։ -0-

Ըստ նախնական տվյալների` ՖՕԲ-ի գներով արտաքին առևտրային հաշվեկշռի բացասական սալդոն (ապրանքի մատակարարման պայմանը, որի ժամանակ  վաճառողը վճարում է տեղափոխման, ապահովագրման, ինչպես նաև մինչև ապրանքը նավ հասցնելու պահը մաքսային ծախսերը. «ԱՌԿԱ») 2014թ.-ի հունվար-նոյեմբերին կազմել է 91 մլն դոլար:

Ազգային վիճակագրական ծառայության տվյալներով` Հայաստանի արտաքին առևտրաշրջանառությունն ԱՊՀ երկրների հետ կազմել է 85 մլն դոլար (31,2 տոկոս մասնաբաժին, 29,6% անկում), ընդ որում Ռուսաստանի հետ առևտուրը կամել է 73 մլն դոլար (31 տոկոս անկում), Ուկրաինայի հետ` 8.3 մլն դոլար (27,8 տոկոս անկում), Բելառուսի հետ` 1 002,9 մլն դոլար (67,7% աճ), իսկ Ղազախստանի հետ գրեթե առևտրաշրջանառություն չի իրականացվել։

ԵՄ երկրների հետ առևտուրը 2015 թվականի հունվարին կազմել է 64,8 դոլար (23,8 տոկոս մասնաբաժին, 39.2% անկում), իսկ այլ երկրների հետ` 122,7 մլն դոլար (45 տոկոս մասնաբաժին, 25,3% անկում)։

Ըստ վիճակագրական տվյալների՝ արտահանման առավել ակնհայտ ցուցանիշներ են գրանցվել հետևյալ ապրանքախմբերում՝ «հանքահումքային արտադրանք»՝ մոտ 32,9 մլն դոլար (21,7 տոկոս աճ), «սննդամթերքի պատրաստի արտադրանք»` մոտ 10,6 մլն դոլար (45,2 տոկոսի աճ), «ոչ թանկարժեք մետաղներ և դրանցից պատրաստված զարդեր»` մոտ 18,1 մլն դոլար (28,3 տոկոսի անկում)։

Պաշտոնական վիճակագրական տվյալների համաձայն՝ 2014թ.-ի հունվարին արտադրանքի ներմուծումը գերիշխող է եղել հետևյալ ապրանքախմբերում՝ «հանքահումքային արտադրանք»՝ մոտ 71,1 մլն դոլար (19,4% անկում), «մեքենաներ, սարքավորում և մեխանիզմներ»՝ 17,6 մլն դոլար (32,8% անկում), «ոչ թանկարժեք մետաղներ և դրանցից պատրաստված արտադրանք»` մոտ 16,2 մլն դոլար և «քիմիական արտադրություն և դրա հետ կապված արդյունաբերության ճյուղեր»` 14  մլն դոլար (15,1% անկում)։-0-