Երևանի փոխքաղաքապետ. քաղաքապետարանը կլուծի քաղաքային տրանսպորտի խնդիրները
03.11.2015,
20:45
Երևանի քաղաքապետարանը ծրագրում է ավելացնել միջին և մեծ ավտոբուսների պարկը հանրային տրանսպորտի խնդիրները լուծելու նպատակով, երեքշաբթի ասաց Երևանի փոխքաղաքապետ Կարո Արեյանը։
ԵՐԵՎԱՆ, 3 նոյեմբերի. /ԱՌԿԱ/. Երևանի քաղաքապետարանը ծրագրում է ավելացնել միջին և մեծ ավտոբուսների պարկը հանրային տրանսպորտի խնդիրները լուծելու նպատակով, երեքշաբթի խորհրդարանում կայացած բյուջետային լսումների ընթացքում ասաց Երևանի փոխքաղաքապետ Կարո Արեյանը։
«Քաղաքային տրանսպորտի խնդրի միակ լուծումը միջին և մեծ ավտոբուսների ներկրումն է մասնավոր կապիտալի ներգրավման միջոցով»,– ասաց Արեյանը։ Նա նշեց, որ այսօր ուղևորափոխադրումների մեծ մասն իրականացվում է միկրոավտոբուսներով։
Փոխքաղաքապետն ավելացրեց, որ «կարմիր գծի» (թուլատրված վճարովի կայանման վայրերը) ցանցը մայրաքաղաքի տարածքում կընդլայնվի։
—0--
