ՀՀ կառավարությունը կհատկացնի 1 մլրդ դրամ մարզերում 26 սուբվենցիոն ծրագրերի իրականացման համար
11.09.2025,
16:06
ՀՀ կառավարությունը հաստատեց գրեթե 1 միլիարդ դրամի հատկացումը՝ մարզերում ենթակառուցվածքների զարգացման նպատակով սուբսիդավորման ծրագրերը ֆինանսավորելու համար
ԵՐԵՎԱՆ, 11 սեպտեմբերի․/ԱՌԿԱ/․ Հինգշաբթի նիստում ՀՀ կառավարությունը հաստատեց գրեթե 1 միլիարդ դրամի հատկացումը՝ մարզերում ենթակառուցվածքների զարգացման նպատակով սուբսիդավորման ծրագրերը ֆինանսավորելու համար։
Ինչպես նշեց ՀՀ տարածքային կառավարման և ենթակառուցվածքների նախարար Դավիթ Խուդաթյանը, նախագիծը նախատեսում է 19 համայնքներում 26 ծրագրի համար հատկացումներ։
«Արագածոտնի մարզում կֆինանսավորվի երկու ծրագիր, Արարատում՝ չորս, Արմավիրում՝ յոթ, Լոռիում՝ երկու, Կոտայքում՝ հինգ, Շիրակում՝ մեկ, Սյունիքում՝ երեք և Տավուշում՝ երկու ծրագիր», - նշեց Խուդաթյանը։
Բացի այդ, նախարարը զեկուցեց, որ մասնակցային բյուջեից միջոցները կվերաբաշխվեն 917.2 միլիոն դրամով՝ ևս 35 ծրագիր համաֆինանսավորելու համար։
«2025 թվականին պետական բյուջեից նախատեսվում է հատկացնել 13 միլիարդ 322 միլիոն դրամ՝ սուբվենցիոն ծրագրերի ֆինանսավորման համար», - հավելեց Խուդատյանը։ ($1 - 382,49 դրամ)
