Կլիմայի փոփոխությունը կազդի վարկային վարկանիշների վրա
ԵՐԵՎԱՆ, 16 մայիսի. /ԱՌԿԱ/. Երկրների վարկային վարկանիշների վրա կարող է ազդել ոչ միայն նրանց ֆինանսների վիճակը կամ տնտեսական դրությունը։ Սուվերեն ֆինանսների համար այժմ սպառնալիք է համարվում նաև կլիմայի փոփոխությունը, մասնավորապես, գլոբալ տաքացումը, գրում է vestifinance.ru–ն։
Standard & Poor’s վարկանիշային գործակալության նոր հետազոտությունում նշվում է, որ մոլորակի կլիմայի փոփոխությունն ազդում է տնտեսական աճի տեմպերի, արտաքին տնտեսական գործունեության և պետական ֆինանսների վրա։
Կլիմայի փոփոխությունը, հավանաբար, կդառնա վարկունակության վրա ազդող համաշխարհային մեգամիտումներից մեկը, և մեծ մասամբ այդ ազդեցությունը բացասական կլինի։
Միաժամանակ, ամենախոցելի երկրներն ամենաաղքատ պետությունները կլինեն կամ նրանք, որոնց վարկանիշները նվազագույն մակարդակում են։ Մասամբ դա կապված է գյուղատնտեսությունից բարձր կախվածությամբ, որտեղ նաև կենտրոնացած է շուկայի մեծ մասը, և կլիմայի կտրուկ փոփոխությունը կամ էքստրեմալ եղանակային պայմանները կարող են հանգեցնել տնտեսական մոդելի փոփոխության անհրաժեշտության։
S&P փորձագետները խոստովանում են, որ կլիմայի փոփոխության ըմբռնումը դեռևս զարգացման փուլում է, իսկ բավարար հուսալի տվյալները հստակ կանխատեսումների համար քիչ են։-0-
Ծանոթացեք լուրերին առաջինն ու քննարկեք դրանք մեր Telegram-ում
12:48 16.05.2014
