Իրանի հարավում հզոր երկրաշարժ է գրանցվել
23.07.2019,
15:11
Երկուշաբթի լույս երեքշաբթի գիշերն Իրանի հարավային մասում 5,4 մագնիտուդով երկրաշարժ է գրանցվել։
ԵՐԵՎԱՆ, 23 հուլիսի./ԱՌԿԱ/. Երկուշաբթի լույս երեքշաբթի գիշերն Իրանի հարավային մասում 5,4 մագնիտուդով երկրաշարժ է գրանցվել։ Այս մասին տեղեկացրել է Հոնկոնգի աստղադիտարանի սեյսմոլոգիական ցանցը, որը ստորգետնյա ցնցումներ է գրանցել Երևանի ժամանակով ժամը 02։59–ին։ Այս մասին հաղորդում է ՏԱՍՍ–ը։
Ստորգետնյա ցնցումների էպիկենտրոնը գտնվել է Պարսից ծոցի ափին` Բանդար Աբբաս (Հորմոզգան նահանգի մայրաքաղաքը) նավահանգստային քաղաքից 160 կմ հարավ–արևմուտք։
Զոհերի և ավերածությունների մասին տեղեկություններ չկան։–0–
