Պայմանագրային զինծառայող է ինքնասպան եղել Արարատի մարզում
12.04.2020,
16:06
Պայմանագրային զինծառայող է ինքնասպան եղել Արարատի մարզում
ԵՐԵՎԱՆ, 12 ապրիլի./ԱՌԿԱ/. Նախօրեին Արարատի մարզում ինքնասպան է եղել 32–ամյա պայմանագրային զինծառայող Ռաֆիկ Ա.–ն, հաղորդում է «Նովոստի–Արմենիա» գործակալությունը` հղում անելով ՀՀ ՊՆ մամուլի քարտուղար Շուշան Ստեփանյանին։
«Այո, նման դեպք եղել է։ Նշեմ, որ միջադեպը կապված չէ ծառայության հետ։ Կատարվում է քննություն», – նշել է Ստեփանյանը։
Նրա խոսքով, միջադեպը տեղի է ունեցել Այգավան գյուղում գտնվող այգում, որը պատկանում է զինծառայողի ընտանիքին։
Ստեփանյանը նաև հայտնել է, որ զորամասում զինծառայողին դրական էին բնութագրում, և ծառայության ընթացքում նա խնդիրներ չի ունեցել համածառայակիցների հետ։–0–
