Ռոստովի մոտակայքում հայկական միկրոավտոբուս է վթարվել
02.04.2019,
11:06
Հայկական միկրոավտոբուսը ՃՏՊ–ի է ենթարկվել Ռոստովի մոտակայքում։
ԵՐԵՎԱՆ, 2 ապրիլի./ԱՌԿԱ/. Հայաստանից Մոսկվա ուղևորվող միկրոավտոբուսը ՃՏՊ–ի է ենթարկվել Ռոստովի մոտակայքում։ ՛
Ինչպես հաղորդում է Rostov.ru–ն, ավտովթարը տեղի է ունեցել «Դոն» Մ–4 մայրուղու վրա ապրիլի 1–ին ժամը 20–ի սահմաններում։
Նախնական տվյալներով, «Մերսեդես» մակնիշի միկրոավտոբուսը, որում եղել է 14 ուղևոր, բախվել է ճամփեզրից պատահաբար իր առջև դուրս եկած Chevrolet Cruze-ն։
Վթարի հետևանքով լուրջ վնասվածքներ են ստացել Chevrolet–ի վարորդն ու ուղևորը։ Նրանք հոսպիտալացվել են։
Բացի այդ, վնասվածքներ են ստացել նաև միկրոավտոբուսի մոտ 10 ուղևոր։ Սակայն նրանք բոլորը հրաժարվել են հոսպիտալացումից և տեղում ստացել բուժօգնություն։
Հաղորդվում է, որ ավտոբուսը եղել է պատվիրված և երթևեկել է Հայաստանից Մոսկվա։
