Ողբերգական ավտովթար Երևանում

ԵՐԵՎԱՆ, 9 դեկտեմբերի./ԱՌԿԱ/. Նախօրեին ողբերգական ավտովթար է տեղի ունեցել Դավիթ Անհաղթ փողոցում, հաղորդում է «Նովոստի–Արմենիա» գործակալությունը` հղում անելով ՀՀ ՏԿԱԻ Փրկարար ծառայությանը։

Դեպքի վայր է մեկնել մեկ մարտական հաշվարկ:

«Պարզվել է, որ դեռևս չբացահայտված հանգամանքներում բախվել են «ՎԱԶ -2107» մակնիշի և «Մերսեդես C180» մակնիշի ավտոմեքենաները», – նշվում է հաղորդագրության մեջ։

Բախման հետևանքով «ՎԱԶ-2107» ավտոմեքենայի ուղևոր Լ. Ս.-ն տեղում մահացել է։

Փրկարարներն ավտոմեքենայի արգելափակումից դուրս են բերել Լ. Ս.-ի դին, հոսանքազրկել ավտոմեքենաները և փակել գազի բալոնները:–0–