Արցախում ՃՏՊ-ի հետևանքով զինծառայող է մահացել
03.06.2020,
18:11
Արցախում ՃՏՊ-ի հետևանքով զինծառայող է մահացել
ԵՐԵՎԱՆ, 3 հունիսի./ԱՌԿԱ/. Արցախում 19-ամյա զինծառայող է մահացել: Այս մասին հայտնում է ԱՀ ՊՆ-ն:
«Հունիսի 3-ին՝ ժամը 13:50-ի սահմաններում ճանապարհատրանսպորտային պատահարի հետևանքով մահացել է ՊԲ հյուսիս-արևելյան ուղղությամբ տեղակայված զորամասերից մեկի զինծառայող, 2001թ. ծնված Սարգիս Մասիսի Ղուլյանը»,- նշվում է տարածված հաղորդագրության մեջ:
Դեպքի մանրամասները պարզելու համար կատարվում է քննություն:
«Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին ու ծառայակիցներին»,- նշում են գերատեսչությունից: -0-
