ԼՂՀ բանակի զինծառայող է զոհվել կրակոցից պահպանության տեղամասի մարտական հենակետում

ԵՐԵՎԱՆ, 25 հունիսի. /ԱՌԿԱ/. ԼՂՀ բանակի զինծառայող, 1995թ. ծնված Արմեն Ավետիսյանը ադրբեջանական կողմից արձակված կրակոցից մահացու գնդակային վիրավորում է ստացել, տեղեկացնում է ԼՂՀ պաշտպանության նախարարության մամուլի ծառայությունը:

Միջադեպը տեղի է ունեցել Ղարաբաղա–ադրբեջանական հակամարտ զորքերի շփման գծի արևելյան ուղղությամբ տեղակայված զորամասերից մեկի պահպանության տեղամասի մարտական հենակետում։

«ԼՂՀ պաշտպանության նախարարությունը կիսում է ծանր կորստյան վիշտը և իր զորակցությունը հայտնում Ա. Ավետիսյանի ընտանիքի անդամներին, հարազատներին և ծառայակիցներին»,- ասվում է ԼՂՀ ՊՆ կայքում:

Միջադեպի մանրամասները պարզելու համար տարվում է քննություն:--0--