Լոնդոնից վերջին մեկ տարում հեռացել է 11,3 հազար դոլարային միլիոնատեր
ԵՐԵՎԱՆ, 9 ապրիլի․/ԱՌԿԱ/․ Լոնդոնից վերջին մեկ տարում հեռացել է 11,3 հազար դոլարային միլիոնատեր, այդ թվում՝ 18 սենտիմիլիոնատեր (առնվազն 100մլն դոլար) և երկու միլիարդատեր։
Լոնդոնը դուրս է եկել միլիոնատերերի թվով առաջատար քաղաքների հնգյակից, գրում է ՌԲԿ–ն՝ հղում անելով New World Wealth–ի ուսումնասիրությանը։
Վարկանիշում երկու քաղաք է, որտեղից տասը տարում ավելի շատ միլիոնատեր է հեռացել, քան եկել։ Առաջինը Լոնդոնն է՝ 30 հազար միլիոնատեր, երկրորդը՝ Մոսկվան՝ 10 հազար հեռացած միլիոնատեր։
2025 թվականի ապրիլի 8-ին Henley & Partners միջազգային խորհրդատվական ընկերությունը New World Wealth վերլուծական գործակալության հետ համատեղ ներկայացրել է «Աշխարհի ամենահարուստ քաղաքները 2025» զեկույցը, որում քաղաքները դասակարգվում են ըստ դրանցում ապրող միլիոնատերերի, սենտիմիլիոնատերերի և միլիարդատերերի թվով:
Առաջին տեղում Նյու Յորքն է՝ 384,500 ռեզիդենտ միլիոնատեր, այդ թվում՝ 818 սենտիմիլիոնատեր և 66 միլիարդատեր։ Երկրորդ տեղում Սան Ֆրանցիսկոն է՝ 342 400 միլիոնատեր և 82 միլիարդատեր։ Երրորդ հորիզոնականում Տոկիոն է՝ 292 300 միլիոնատեր, Սինգապուրը չորրորդ հորիզոնականում է՝ 242 400 միլիոնատեր և 5–րդ հորիզոնականում Լոս Անջելեսն է՝ 220600 միլիոնատեր, այդ թվում՝ 516 սենտիմիլիոնատեր և 45 միլիարդատեր։
