Տորկունով. Եվրասիական ինտեգրման առավելությունն այն է, որ կանոնները մշակվում են գործընթացի մասնակիցների կողմից
22.07.2013,
16:57
ՄՄՀՊԻ ռեկտոր Անատոլի Տորկունովը կարծում է, որ եվրասիական ինտեգրման առավելությունն այն է, որ դրա կանոնները մշակվում են գործընթացի մասնակիցների կողմից։
ԵՐԵՎԱՆ, 22 հուլիսի. /ԱՌԿԱ/. ՄՄՀՊԻ ռեկտոր Անատոլի Տորկունովը կարծում է, որ եվրասիական ինտեգրման առավելությունն այն է, որ դրա կանոնները մշակվում են գործընթացի մասնակիցների կողմից։
«Եվրոպական միությունում առկա են արդեն հստակ և խիստ սահմանված կանոններ, որոնով ստիպված կլինեն խաղալ, և խաղալ այդքան էլ հեշտ չի լինի, եթե գնանք աշխարհաքաղաքական կողմնորոշման սահմանման ուղով հենց ԵՄ–ում։ Իսկ ո՞րն է, ըստ իս, եվրասիական ինտեգրման առավելությունը։ Դա մի գործընթաց է, որ սկսվել է ոչ այդքան վաղուց, և այդ գործընթացի բոլոր մասնակիցները մասնակցում են հավասար իրավունքներով որոշում ընդունելիս»,– ասաց Տորկունովը շաբաթ Երևանում «Հայաստանի աշխարհաքաղաքական դերը ժամանակակից միջազգային հարաբերությունների համակարգում» ինտերնետային կոնֆերանսի ընթացքում։
Ըստ նրա` եվրասիական ինտեգրման գործընթացում կանոններն այսօր մշակում են նրանք, ովքեր ներգրավված են այդ գործընթացում։ «Նրանք են որոշելու խաղի կանոնները և սահմանելու են դրանք միասին»,– ասաց Տորկունովը` ավելացնելով, որ եվրասիական համագործակցությունը զարգանում է շատ հզոր բազայի վրա, որը ստեղծվել է տասնամյակներով, իսկ որոշ դեպքերում` նույնիսկ հարյուրամյակներով, հաղորդում է «Նովոստի–Արմենիա» գործակալությունը։
ՄՄՀՊԻ ռեկտորը նշեց նաև, որ այսօր Մաքսային միության և (ԵՄ–ի), ասոցացված անդամակցության կողմից առաջարկվող կանոնները «բոլորովին չեն համընկնում»։
«Ընթանում է ներդաշնակեցման բավականին ակտիվ գործընթաց, և այն կշարունակվի, ի դեպ, նաև ԵՄ–ի և Ռուսաստանի միջև նոր բազային համաձայնագրի նախապատրաստման շրջանակներում, բայց այսօր Եվրոպական միության կանոնների ընդունումը մեծ խնդիրներ է առաջացնում Մաքսային միության երկրների հետ համագործակցությամբ... Այստեղ կան մի շարք հանգամանքներ, և ֆիտոսանիտարական նորմեր, և տեխնիկական կանոնակարգ, և այլն։ Այդ պատճառով էլ այստեղ կարևոր է կողմնորոշվել, կրկին` հաշվի առնելով պրագմատիզմը և մարդկային կողմը, ինչպես գործել այս իրավիճակում»,– ասաց Տորկունովը։
Ըստ նրա, ինչ–որ փուլում ԵՄ–ում, ՄՏՏ–ում և Մաքսային միությունում առկա բազմաթիվ պահանջներ կներդաշնակեցվեն, բայց դրա համար ժամանակ է պահանջվելու։ -0-
«Եվրոպական միությունում առկա են արդեն հստակ և խիստ սահմանված կանոններ, որոնով ստիպված կլինեն խաղալ, և խաղալ այդքան էլ հեշտ չի լինի, եթե գնանք աշխարհաքաղաքական կողմնորոշման սահմանման ուղով հենց ԵՄ–ում։ Իսկ ո՞րն է, ըստ իս, եվրասիական ինտեգրման առավելությունը։ Դա մի գործընթաց է, որ սկսվել է ոչ այդքան վաղուց, և այդ գործընթացի բոլոր մասնակիցները մասնակցում են հավասար իրավունքներով որոշում ընդունելիս»,– ասաց Տորկունովը շաբաթ Երևանում «Հայաստանի աշխարհաքաղաքական դերը ժամանակակից միջազգային հարաբերությունների համակարգում» ինտերնետային կոնֆերանսի ընթացքում։
Ըստ նրա` եվրասիական ինտեգրման գործընթացում կանոններն այսօր մշակում են նրանք, ովքեր ներգրավված են այդ գործընթացում։ «Նրանք են որոշելու խաղի կանոնները և սահմանելու են դրանք միասին»,– ասաց Տորկունովը` ավելացնելով, որ եվրասիական համագործակցությունը զարգանում է շատ հզոր բազայի վրա, որը ստեղծվել է տասնամյակներով, իսկ որոշ դեպքերում` նույնիսկ հարյուրամյակներով, հաղորդում է «Նովոստի–Արմենիա» գործակալությունը։
ՄՄՀՊԻ ռեկտորը նշեց նաև, որ այսօր Մաքսային միության և (ԵՄ–ի), ասոցացված անդամակցության կողմից առաջարկվող կանոնները «բոլորովին չեն համընկնում»։
«Ընթանում է ներդաշնակեցման բավականին ակտիվ գործընթաց, և այն կշարունակվի, ի դեպ, նաև ԵՄ–ի և Ռուսաստանի միջև նոր բազային համաձայնագրի նախապատրաստման շրջանակներում, բայց այսօր Եվրոպական միության կանոնների ընդունումը մեծ խնդիրներ է առաջացնում Մաքսային միության երկրների հետ համագործակցությամբ... Այստեղ կան մի շարք հանգամանքներ, և ֆիտոսանիտարական նորմեր, և տեխնիկական կանոնակարգ, և այլն։ Այդ պատճառով էլ այստեղ կարևոր է կողմնորոշվել, կրկին` հաշվի առնելով պրագմատիզմը և մարդկային կողմը, ինչպես գործել այս իրավիճակում»,– ասաց Տորկունովը։
Ըստ նրա, ինչ–որ փուլում ԵՄ–ում, ՄՏՏ–ում և Մաքսային միությունում առկա բազմաթիվ պահանջներ կներդաշնակեցվեն, բայց դրա համար ժամանակ է պահանջվելու։ -0-
