Հայաստանի քաղաքացիների 46,5%-ն ամբողջովին դժգոհ է վարչապետի աշխատանքից
12.03.2025,
15:20
Հարցման մասնակիցների միայն 9%-ն է նշել, որ գոհ է ՀՀ վարչապետ Նիկոլ Փաշինյանի աշխատանքից
ԵՐԵՎԱՆ, 12 մարտի․/ԱՌԿԱ/․ Հարցման մասնակիցների միայն 9%-ն է նշել, որ գոհ է ՀՀ վարչապետ Նիկոլ Փաշինյանի աշխատանքից։
Ըստ հարցումն իրականացրած GALLUP International Association-ի հայաստանյան ներկայացուցչության ղեկավար Արամ Նավասարդյանի՝ ի պատասխան այն հարցին, թե գո՞հ են ՀՀ վարչապետ Նիկոլ Փաշինյանի աշխատանքից, հարցվածների 15,5%-ը ավելի շատ դրական է գնահատել նրա աշխատանքը, 19,1%-ը՝ ավելի շատ բացասական, իսկ 46,5%-ն ամբողջովին դժգոհ է վարչապետի աշխատանքից։
Հարցվածների 10%-ը դժվարացել է պատասխանել այս հարցին։
Փետրվարի 27-ից մարտի 6-ը Հայաստանում անցկացված հեռախոսային հարցմանը մասնակցել է 1100 հարցվող։
