ԱԺ-ն չընտրեց Իշխան Սաղաթելյանին ընդդիմադիր փոխխոսնակի պաշտոնում
05.08.2021,
12:36
53 պատգամավոր քվեարկել է Սաղաթելյանին «կողմ», 50-ը՝ «դեմ»
ԵՐԵՎԱՆ, 5 օգոստոսի․/ԱՌԿԱ/․ ԱԺ-ն չընտրեց «Հայաստան» խմբակցության պատգամավոր Իշխան Սաղաթելյանին, որի թեկնածությունն առաջադրվել էր ԱԺ ընդդիմադիր փոխխոսնակի պաշտոնում։
Ինչպես տեղեկացրեց Հաշվիչ հանձնախմբի ղեկավար Նարեկ Բաբայանը, քվեարկությանը մասնակցել է 104 պատգամավոր, մեկ քվեաթերթիկ ճանաչվել է անվավեր։
Ինչպես տեղեկացրեց Հաշվիչ հանձնախմբի ղեկավար Նարեկ Բաբայանը, քվեարկությանը մասնակցել է 104 պատգամավոր, մեկ քվեաթերթիկ ճանաչվել է անվավեր։
«53 պատգամավոր քվեարկել է Սաղաթելյանին «կողմ», 50-ը՝ «դեմ»», - ասաց Բաբայանը։
Ընտրվելու համար Սաղաթելյանին անհրաժեշտ էր 54 ձայն։
«Հայաստան» խմբակցության ղեկավար Սեյրան Օհանյանը հայտարարեց, որ փոխխոսնակի պաշտոնում կրկին առաջադրվում է Իշխան Սաղաթելյանը։-0-
