ՊՆ-ն հերքում է Ջերմուկի դիրքերից նահանջելու մասին լուրերը
27.11.2024,
22:36
ՊՆ-ն հերքում է տարածվող այն լուրերը, թե ՀՀ զինված ուժերի ստորաբաժանումները հեռանում են Ջերմուկի մոտակայքում գտնվող դիրքերից
ԵՐԵՎԱՆ, 27 նոյեմբերի․/ԱՌԿԱ/․ ՊՆ-ն հերքում է սոցիալական մեդիայում տարածվող այն լուրերը, թե ՀՀ զինված ուժերի ստորաբաժանումները հեռանում են Ջերմուկի մոտակայքում գտնվող դիրքերից։
«Արմենպրես»-ի հետ զրույցում այս մասին հայտնել է ՀՀ պաշտպանության նախարարի մամուլի քարտուղար Արամ Թորոսյանը։
«ՀՀ ԶՈՒ-ն շարունակում է լիարժեք իրականացնել իր ծառայությունը և պատշաճ կատարել պարտականությունները։ Պաշտպանության նախարարությունը առաջնագծի վերաբերյալ իրազեկում է հանրությանը, ուստի հորդորում ենք նմանօրինակ կեղծ և սուտ լուրեր չտարածել»,- նշել է Թորոսյանը։
