Ռոբերտ Քոչարյանի խափանման միջոց կալանքը գրավով փոխելու միջնորդության որոշումը կհրապարակվի նոյեմբերի 7-ին
05.11.2019,
16:36
Սեպտեմբերի 20–ին Աննա Դանիբեկյանը մերժեց փաստաբանների ներկայացրած միջնորդությունը կալանքի տակ գտնվող Ռոբերտ Քոչարյանի խափանման միջոցը փոխելու վերաբերյալ։
ԵՐԵՎԱՆ, 5 նոյեմբերի./ԱՌԿԱ/. Երևանի ընդհանուր իրավասության դատարանը (Շենգավիթի նստավայր)՝ դատավոր Աննա Դանիբեկյանի նախագահությամբ, ավարտեց ՀՀ երկրորդ նախագահ Ռոբերտ Քոչարյանի պաշտպանների ներկայացրած գրավի միջնորդության քննարկումը։
Դատարանի որոշումը կհրապարակվի նոյեմբերի 7-ին, ժամը 12:00-ին։
Սեպտեմբերի 20–ին Աննա Դանիբեկյանը մերժեց փաստաբանների ներկայացրած միջնորդությունը կալանքի տակ գտնվող Ռոբերտ Քոչարյանի խափանման միջոցը փոխելու վերաբերյալ։ Քոչարյանի փաստաբան Հայկ Ալումյանը դատարանի այդ որոշումը որակեց քաղաքական, ոչ թե իրավական` ընդգծելով, որ միջնորդության մերժումը թելադրված է գործադիր իշխանության ներկայացուցիչների կողմից։–0–
