Երևանում Արցախի ապաշրջափակման պահանջով ակցիաներ են մեկնարկել

ԵՐԵՎԱՆ, 27 հունիսի./ԱՌԿԱ/. Երեքշաբթի Երևանում ՀՅԴ–ն ակցիա է կազմակերպել Ռուսաստանի Դաշնության, Ֆրանսիայի և ԱՄՆ դեսպանատների, ինչպես նաև ԵՄ ներկայացուցչության գրասենյակի առջև՝ Արցախի շրջափակման վերացման պահանջով։

24-ժամյա նստացույցն անցկացվում է SOS Արցախ կարգախոսով։

Ակցիայի նպատակն է ԵԱՀԿ Մինսկի խմբի համանախագահող երկրներից և ԵՄ-ից պահանջել չսահմանափակվել սոսկ հայտարարություններով, այլ գործնական քայլեր ձեռնարկել՝ անհապաղ վերացնելու Արցախի շրջափակումն Ադրբեջանի կողմից։–0–