ՀԱՊԿ գլխավոր քարտուղար Բորդյուժան փետրվարի 4–5–ը կայցելի Հայաստան

ԵՐԵՎԱՆ, 3 փետրվարի. /ԱՌԿԱ/. Ազգային անվտանգության խորհրդի քարտուղար Արթուր Բաղդասարյանի հրավերով փետրվարի 4-5-ը աշխատանքային այցով Հայաստան կժամանի ՀԱՊԿ գլխավոր քարտուղար Նիկոլայ Բորդյուժայի գլխավորած պատվիրակությունը, հաղորդում է գերատեսչության մամուլի ծառայությունը։

Նիկոլայ Բորդյուժային կուղեկցի ՀԱՊԿ միացյալ շտաբի պետ Ալեքսանդր Ստուդենիկինը:

Ինչպես հաղորդում է մամուլի ծառայությունը, այցի ընթացքում նախատեսված են Նիկոլայ Բորդյուժայի հանդիպումները ՀՀ նախագահ Սերժ Սարգսյանի, Ազգային անվտանգության խորհրդի քարտուղար Արթուր Բաղդասարյանի և ՀՀ Պաշտպանության նախարար Սեյրան Օհանյանի հետ:–0–