Հայաստանում 2026թ․–ի հունվար–մարտին ավելացել է պղնձի, մոլիբդենի և ցինկի խտանյութերի արտադրությունը

ԵՐԵՎԱՆ, 13 մայիսի․/ԱՌԿԱ/․ Հայաստանում 2026 թվականի հունվար-մարտին, 2025 թվականի հունվար-մարտի համեմատ, 20,3%-ով աճել են պղնձի խտանյութի արտադրության ծավալները՝ հասնելով 73 046,7 տոննայի։ Այս մասին են վկայում Հայաստանի վիճակագրական կոմիտեի հրապարակած տվյալները:

Ընդ որում, մոլիբդենի խտանյութի արտադրությունն աճել է 30,6%-ով՝ հասնելով 4 146,3 տոննայի, իսկ ցինկի խտանյութինը՝ 13,7%-ով՝ մինչև 3 372,0 տոննա։

Հաշվետու ժամանակահատվածում արտադրվել է նաև 324,4 տոննա ֆերոմոլիբդեն, ինչը 61,7%-ով պակաս է 2025 թվականի հունվար-մարտի ցուցանիշից։