Փաշինյանը և Միրզիյոևը կարևորել են Հայաստանի և Ուզբեկստանի առևտրատնտեսական կապերի ընդլայնումը
Երեկ,
11:55
Մտքեր են փոխանակվել նաև տարածաշրջանային գործընթացների, այդ թվում՝ հաղորդակցությունների ապաշրջափակման ուղղությամբ իրականացվող աշխատանքների շուրջ
ԵՐԵՎԱՆ, 11 սեպտեմբերի․ /ԱՌԿԱ/․ Վարչապետ Նիկոլ Փաշինյանը Ուզբեկստանի նախագահ Շավքաթ Միրզիյոևի հետ
քննարկել է Հայաստան-Ուզբեկստան հարաբերությունների հետագա առաջմղմանը և երկկողմ օրակարգին վերաբերող հարցեր:
Ինչպես տեղեկացնում է ՀՀ կառավարության մամուլի ծառայությունը, կարևորվել է առևտրատնտեսական կապերի ընդլայնման ուղղությամբ հետևողական քայլերի իրականացումը:
Մտքեր են փոխանակվել նաև տարածաշրջանային գործընթացների, այդ թվում՝ հաղորդակցությունների ապաշրջափակման ուղղությամբ իրականացվող աշխատանքների շուրջ։
