Հակառակորդը հանգստյան օրերին 110 անգամ հրետակոծել են Ղարաբաղի հետ սահմանը
05.09.2016,
10:32
Հանգստյան օրերին ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 110 անգամ:
ՍՏԵՓԱՆԱԿԵՐՏ, 5 սեպտեմբերի. /ԱՌԿԱ/. Հանգստյան օրերին ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 110 անգամ, հաղորդում է ԼՂՀ ՊՆ մամուլի ծառայությունը:
Գերատեսչության տվյալներով, հակառակորդը տարբեր տրամաչափի հրաձգային զինատեսակներից հայ դիրքապահների ուղղությամբ արձակել է ավելի քան 1500 կրակոց:
«ՊԲ առաջապահ զորամասերը լիակատար վերահսկողություն են պահպանում առաջնագծում և պատասխան գործողությունների դիմում միայն խիստ անհրաժեշտության դեպքում», - նշվում է հաղորդագրության մեջ: -0-
