Իտալիայի ԱԳ նախարար Պաոլո Ջենտիլոնին կայցելի Հայաստան
07.11.2016,
14:54
Նոյեմբերի 8-ին Հայաստան պաշտոնական այց կկատարի Իտալիայի արտաքին գործերի և միջազգային համագործակցության նախարար Պաոլո Ջենտիլոնին:
ԵՐԵՎԱՆ, 7 նոյեմբերի. /ԱՌԿԱ/. ՀՀ ԱԳ նախարար Էդվարդ Նալբանդյանի հրավերով նոյեմբերի 8-ին Հայաստան պաշտոնական այց կկատարի Իտալիայի արտաքին գործերի և միջազգային համագործակցության նախարար Պաոլո Ջենտիլոնին, հաղորդում է ՀՀ ԱԳՆ մամուլի ծառայությունը։
Նախարար Ջենտիլոնիին կընդունի հանրապետության նախագահ Սերժ Սարգսյանը:
Նախատեսված է Պաոլո Ջենտիլոնիի հանդիպումը վարչապետ Կարեն Կարապետյանի հետ:
Նույն օրը կկայանան Էդվարդ Նալբանդյանի և Պաոլո Ջենտիլոնիի բանակցությունները։
«Նախարարները կստորագրեն Հայաստանում մշակութային ժառանգության պահպանման և վերականգնման տարածաշրջանային կենտրոն հիմնելու մասին համատեղ հայտարարությունը», – նշվում է հաղորդագրության մեջ։
Հանդիպման արդյունքները կամփոփվեն համատեղ մամուլի ասուլիսով:–0–
