Վրաստանի վարչապետը այցելել է Ծիծեռնակաբերդի հուշահամալիր
05.09.2016,
15:43
Վրաստանի վարչապետ Գիորգի Կվիրիկաշվիլին այցելել է Ծիծեռնակաբերդի հուշահամալիր և և ծաղիկներ խոնարհել անմար կրակի մոտ:
ԵՐԵՎԱՆ, 5 սեպտեմբերի. /ԱՌԿԱ/. Երկուշաբթի պաշտոնական այցով Հայաստան ժամանած Վրաստանի վարչապետ Գիորգի Կվիրիկաշվիլին այցելել է Ծիծեռնակաբերդի հուշահամալիր և և ծաղիկներ խոնարհել Հայոց ցեղասպանության սուրբ նահատակների հիշատակը հավերժացնող անմար կրակի մոտ, հաղորդում է Երևանի քաղաքապետարանի մամուլի ծառայությունը:
Այնուհետև Վրաստանի վարչապետն այցելել է Հայոց ցեղասպանության թանգարան, ծանոթացել ցուցադրությանը և գրառում կատարել թանգարանի պատվավոր հյուրերի հուշամատյանում: Գիորգի Կվիրիկաշվիլին նաև եղևնի է տնկել հուշահամալիրի Հիշողության պուրակում:
Վրաստանի պատվիրակությանը ուղեկցում էին Երևանի քաղաքապետ Տարոն Մարգարյանը և ՀՀ փոխվարչապետ Վաչե Գաբրիելյանը: -0-
