Դաշնության խորհուրդը տվել է համաձայնությունն արտասահմանում ՌԴ ԶՈՒ–ի օգտագործելու վերաբերյալ. Մատվիենկո

ԵՐԵՎԱՆ, 30 սեպտեմբերի. /ԱՌԿԱ/. Դաշնության խորհուրդը փակ ռեժիմով քննարկել է Ռուսաստանի սահմաններից դուրս ՌԴ զինված ուժերի կիրառման մասին հարցը և տվել իր համաձայնությունը։

Վերին պալատի խոսնակ Վալենտինա Մատվիենկոն պարզաբանել է, որ հարցը ներառված է օրակարգում պաշտպանության և անվտանգության հարցերով Դաշնությունների խորհրդի հանձնաժողովի առաջարկով։ «Որոշում է ընդունվել անցկացնել այդ հարցի քննարկումը փակ ռեժիմով»,– ասել է խոսնակը։ Պալատի նիստի օրակարգի համաձայն, այդ հարցով որպես զեկուցողներ են հանդես գալիս ՌԴ նախագահի աշխատակազմի ղեկավար Սերգեյ Իվանովը, պաշտպանության և անվտանգության հարցերով ԴԽ հանձնաժողովի նախագահ Վիկտոր Օզերովը և միջազգային հարցերով հանձնաժողովի ղեկավարի առաջին տեղակալ Վլադիմիր Ջաբարովը, հաղորդում է ՏԱՍՍ–ը։

ՌԴ սահմանադրության համաձայն, Դաշնության խորհրդի տնօրինության տակ է գտնվում Ռուսաստանի Դաշնության սահմաններից դուրս Ռուսաստանի զինված ուժերի օգտագործման հնարավորության մասին հարցը։ Վերջին անգամ այդ իրավունքից Պետդումայի վերին պալատն օգտվել է մարտի 1–ին, երբ համաձայնություն է տվել Ռուսաստանի նախագահին Ուկրաինայի տարածքում ՌԴ ԶՈՒ կիրառելու վերաբերյալ մինչև այնտեղ իրադրության կարգավորումը։ Հունիսի 25–ին ԴԽ–ը չեղյալ է հայտարարել է իր որոշումը երկրի ղեկավարի առաջարկով։ Ինչպես բացատրել է ՏԱՍՍ–ին նախագահի մամուլի քարտուղար Դմիտրի Պեսկովը, նման որոշում ընդունվել է Ուկրաինայի արևելյան շրջաններում իրավիճակի կարգավորման մասին եռակողմ բանակցությունները սկսվելու հետ կապված։-0-