Ավստրիայի Հանրապետության նախագահը Հայաստան կժամանի պաշտոնական այցով
25.06.2012,
12:03
Ավստրիայի Հանրապետության նախագահ Հայնց Ֆիշերը նախագահ Սերժ Սարգսյանի հրավերով երկուշաբթի պաշտոնական այցով կժամանի Հայաստան, հաղորդում է երկրի ղեկավարի լրատվական ծառայությունը:
ԵՐԵՎԱՆ, 25 հունիսի. /ԱՌԿԱ/. Ավստրիայի Հանրապետության նախագահ Հայնց Ֆիշերը նախագահ Սերժ Սարգսյանի հրավերով երկուշաբթի պաշտոնական այցով կժամանի Հայաստան, հաղորդում է երկրի ղեկավարի լրատվական ծառայությունը:
Հաղորդագրության մեջ նշվում է, որ Ավստրիայի նախագահը Հայաստան կժամանի տիկնոջ՝ Մարգիթ Ֆիշերի հետ:
Այցի շրջանակներում Ավստրիայի նախագահը հանդիպումներ կունենա Նախագահ Սերժ Սարգսյանի, Ն.Ս.Օ.Տ.Տ. Ամենայն Հայոց Կաթողիկոս Գարեգին Երկրորդի, ԱԺ նախագահ Հովիկ Աբրահամյանի և վարչապետ Տիգրան Սարգսյանի հետ:
Հայաստանի և Ավստրիայի նախագահները կմասնակցեն նաև երկու երկրների գործարարների մասնակցությամբ տեղի ունենալիք Հայ-ավստրիական գործարար համաժողովին:--0--
