Ընդդիմադիր պատգամավոր Լիանա Մանուկյանն ընտրվեց ԱԺ ֆինանսավարկային և բյուջետային հարցերի մշտական հանձնաժողովի նախագահ

ԵՐԵՎԱՆ, 21 օգոստոսի․/ԱՌԿԱ/․ «Ուժեղ Հայաստան» խմբակցության պատգամավոր Լիանա Մանուկյանն ընտրվեց 9-րդ գումարման ԱԺ ֆինանսավարկային և բյուջետային հարցերի մշտական հանձնաժողովի նախագահ։

Փակ քվեարկության համաձայն՝ Լիանա Մանուկյանը ստացավ 57 կողմ, 39 դեմ ձայն:

Ավելի վաղ հայտնել էնք, որ «Քաղաքացիական պայմանագիր» խմբակցությունը դեմ էր քվեարկել Ֆինանսավարկային և բյուջետային հարցերի մշտական հանձնաժողովի նախագահի պաշտոնում «Ուժեղ Հայաստան»-ի թեկնածու Հայկ Ֆարմանյանին:

Օգոստոսի 20-ին ԱԺ-ն ընտրել էր մշտական հանձնաժողովների նախագահներին։ «Ուժեղ Հայաստան» խմբակցության առաջադրած թեկնածուները չընտրվեցին։ Առաջադրված մյուս բոլոր թեկնածուններն ընտրվեցին։

Ընտրված նախագահները՝

«Քաղաքացիական պայմանագիր» խմբակցություն

- Տարածաշրջանային և եվրասիական ինտեգրման հարցերի մշտական հանձնաժողովի նախագահ` Տրդատ Սարգսյան։
- Աշխատանքի և բարեկեցության հարցերի մշտական հանձնաժողովի նախագահ` Նազելի Բաղդասարյան
- Կրթության, գիտության, մշակույթի, սպորտի և սփյուռքի հարցերի մշտական հանձնաժողովի նախագահ` Սիսակ Գաբրիելյան
- Արտաքին հարաբերությունների հանձնաժողով նախագահ` Սարգիս Խանդանյան
- Պետական-իրավական հարցերի մշտական հանձնաժողովի նախագահ` Արուսյակ Ջուլհակյան
- Պաշտպանության և անվտանգության հարցերի մշտական հանձնաժողովի նախագահ` Վիլեն Գաբրիելյան
- Տնտեսական հարցերի մշտական հանձնաժողովի նախագահ Բաբկեն Թունյան

«Հայաստան» խմբակցություն

Մարդու իրավունքների պաշտպանության և հանրային հարցերի մշտական հանձնաժողովի նախագահ Լիլիթ Գալստյան։